om ’n pa te wees
is om te gee al sien ek die bodem van dit waaruit ek skep
en om terug te hou sodat ek dit later agter my rug kan wegsteek
en kan sê: “kies – links of regs!”
dit is om “ja” te sê al wil my arms haar styf in ’n veilige nee vasdruk
maar ook om “nee” te sê want ja is minder reg
om ’n pa te wees
is om leeus te jaag en jou lyf so groot soos ’n olifant te hou
terwyl jy skelm binne in jouself soos ’n kuiken skrop
dit is om wys te wees nog voordat jy genoeg verstaan en weet
om skelm met ensiklopedieë vriendskapsbande te smee
om ’n pa te wees
verg moed en krag
maar tog word dit sag
wanneer sy net ’n bietjie harder druk
langer vashou
harder lag
en dieper asem haal
as ek by haar is
By
